АШХАБАД КӨЕ

татар халык җыры

1) Һәй, дусларым, дусларым ла, дусларым, дус-ишләрем!

Һәй, дусларым, дусларым ла, дусларым, дус-ишләрем!

Сез, дуслардан, аерылсам, ялгыз башым нишләрмен?

Сез, дуслардан, аерылсам, ялгыз башым нишләрмен?

2) Алмагачым чәчәк ата майның унбишләрендә.

Алмагачым чәчәк ата майның унбишләрендә.

Алмагач чәчәге кебек минем дус-ишләрем дә.

Алмагач чәчәге кебек минем дус-ишләрем дә.

3) Урман эчләрендә урман, керсәм чыгалмам инде.

Урман эчләрендә урман, керсәм чыгалмам инде.

Төрле агачта төрле кошлар – сайрар түзә алмам инде.

Төрле агачта төрле кошлар – сайрар түзә алмам инде.

4) Һәй, дусларым, дусларым ла, дусларым, бәгырьләрем!

Һәй, дусларым, дусларым ла, дусларым, бәгырьләрем!

Яшь гомерләр ике килми – белегез кадерләрен!

Яшь гомерләр ике килми – белегез кадерләрен!