Ялгызлык 
Хәсән Туфан сүзләре

Сүрелми дә сөюләрем,
Сүнми гомер йолдызым,
Тик син идең,тиңсез идең,
Төн ае,көн кояшым.

Син булмагач, җир йөзендә
Бер канатым юк сыман.
Көн юксынам,төнең сагынам,
Ялгыз калган аккош сыман.

Син идең ич юлларымда
Куллар биргән юлдашым.
Озын гомер төннәремдә
Ялгыз инде бу башым.

Син булмагач, җир йөзендә
Бер канатым юк сыман.
Көн юксынам,төнең сагынам,
Ялгыз калган аккош сыман.