Тербетіп жүрегімді сезім гүлдей,
Сүйдім мен неге екенін өзім білмей.
Сырласып аспандағы ай-жұлдызбен,
Түнімен сені ойлаймын көзімді ілмей.
Сырласып аспандағы ай-жұлдызбен,
Түнімен сені ойлаймын көзімді ілмей.

Қайырмасы 2р.
Нұр шашып бүгін маған,
Жұлдыздар жымыңдаған,
Ұйқымды түн ұрлаған.
Аңсатпай келші жаным,
Айтылмас сенсіз әнім,
Қолыма қоншы бағым.

Келмейді бір өзіңсіз таң атырғым,
Ай жүзің арайланып дара тудың.
Жаным-ау сенің мөлдір жанарыңды,
Іздеймін аспанынан қара түннің.
Жаным-ау сенің мөлдір жанарыңды,
Іздеймін аспанынан қара түннің.

Қайырмасы 2р.
Нұр шашып бүгін маған,
Жұлдыздар жымыңдаған,
Ұйқымды түн ұрлаған.
Аңсатпай келші жаным,
Айтылмас сенсіз әнім,
Қолыма қоншы бағым.

Сен менің таусылмайтын айдын жырым,
Ұқсаттым дидарыңа майдың гүлін.
Бейнеңнің сәулесі ме деп ойлаймын,
Төгілген тереземнен айдың нұрын.
Бейнеңнің сәулесі ме деп ойлаймын,
Төгілген тереземнен айдың нұрын.

Қайырмасы: 
Нұр шашып бүгін маған,
Жұлдыздар жымыңдаған,
Ұйқымды түн ұрлаған.
Аңсатпай келші жаным,
Айтылмас сенсіз әнім,
Қолыма қоншы бағым.

Сыр айтып талай маған
Мақпалдың маңаураған
Бұл сезім алаураған
Келер деп, алаңлалым
Тезірек орал жаным, 
сағындым жан арманым