Черек күл
Оскар Усманов көе Эльза Гариф сүзләре

Моңсуланып йөрим,
Әллә нигә белмим,
Сусыз калган күлгә күз салып?
Ничә еллар үткән,
Инешләре кипкән,
Чишмәләре күчкән юл ярып.

Кайгы-хәсрәт булып
Килгән кара болыт
Шомландырган барлык җиһанны.
Черек күл сагышы,
Гасырлар ялгышы
Тетрәтә нигә соң бу җанны.

Черек күлне буйлап, 
Үткәннәрне уйлап
Күз алдынан уза гасырлар.
Юкка чыккан күлдә
Агылан-кагылган җирдә
Серләр ята керсез шаһитлар.