Вош воацаш висачоа вош хинна отта,
Йиш йоацаш висачоа йиш хила г1орта.
Наьнага сатесса массехана
Г1оза вахар хьо деце, лаьтта, тха нана.

Ер дуне готтадаь сагото хьовзарах,
Адамий къел-моцалах борз санна ц1овзарах,
Вайна к1орда ма дергдац укх лаьтта даха,
Вайна к1орда ма дергдац ер даьтта аха .

Вай ираза хилча малх санна къагаш,
Вай г1айг1а хилча гарренца агаш
Лаьтта да вайца догаг1озадувлар
Лаьтта да вай бала ший дег чу къувлар.

Ер дуне готтадаь сагото хьовзарах,
Адамий къел-моцалах борз санна ц1овзарах,
Вайна к1орда ма дергдац укх лаьтта даха,
Вайна к1орда ма дергдац ер даьтта аха .

Ер дуне дуачунна - фусаме лаьтта,
Ер дуне дутачунна - фусаме лаьтта.
Вахара къаьстача вайг1а массанег1а 
хьахургда юххера из 1аьржа лаьтта.

Ер дуне готтадаь сагото хьовзарах,
Адамий къел-моцалах борз санна ц1овзарах,
Вайна к1орда ма дергдац укх лаьтта даха,
Вайна к1орда ма дергдац ер даьтта аха.