Саўка:
Грыша, срочна мне налей!
Плачу я, ня сьплю начэй.
Бо ў Карэліцкім раёне
Папалілі ўсіх сьвіней.

Дзядзькі там майго сям’я.
У сям’і была сьвіньня.
Нет ужо - была раней.
Ай...

Саўка ды Грышка:
Папалілі ўсіх сьвіней!

Грышка:
Каб жылося весялей
І стабільней, і сьвятлей,
І ў Наваградзкім раёне.
Эх...

Саўка ды Грышка:
Папалілі ўсіх сьвіней!

Саўка:
Я, як дзядзьку пазваню,
Ён мне сразу пра сьвіньню:
Как ана і што там сь ней...
Нет уже яе...

Саўка ды Грышка:
Папалілі ўсіх сьвіней!

Саўка:
Што за сорам, што за стыд?!
Што за сьвінскі генацыд?!
Нада ж как-та культурней...
А то што ж вы сделалi...

Саўка ды Грышка:
Папалілі ўсіх сьвіней!

Грышка:
Чым далей, тым цікавей
Бачыць разьвіцьцё падзей.
Я баюся, ў Беларусі толькі...

Саўка ды Грышка:
Пачынаюць са сьвіньней!