Уэзы Мураткlэ зэджэри щlалэ фlыцlэ къуэгъукъэ (уой).
Шы гъурым тесри (уой маржэ) гъусэ пхуэхъункъым (уой).
 
Уи шы пэхужьри (уой маржэ) зэрыпхэщlыбгъуэ (уой),
Гумкъалэ губгъуэми (уой маржэ) Мурат щозауэ (уой).
 
Зэныбжьэгъу щlалэхэр (уой маржэ) къызэрогъащтэ (уой).
Щlылъэр къэмыщтэмэ (уой маржэ) Мурат къэщтэнкъым (уой).
 
Тет пристафри (уой маржэ) Мурат кlэлъопхъуэ (уой).
Бгы пхъуантэ быдэми (уой маржэ) Мурат дохьэжыр (уой).
 
Уэ мэкъумэшыщlэхэм (уой маржэ) вы щlогъэщlэжыр (уой),
Уэ уи ижэгъухэри (уой маржэ) жейми къыпхуоскlэ (уой).