Каханая

/муз.: Валерый Іваноў, сл.:Леанід Прончак/

Я прыдумаў цябе ад самотнасці,
Ты са мною заўсёды была,
Як багіня кахання і роднасці,
Як багіня дабра і святла.
Твой задумны пагляд заварожвае,
Толькі побач с табою, с табою не я,
Недаступнай красою прыгожая,
Несустрэтая мара мая.

Прыпеў:

Каханая, каханая,
Далёкая, далёкая.
За белымі туманамі,
За сінімі аблокамі,
Любоў мая падманная,
Наіўная, нясмелая,
Мая недакаханая,
Мая незразумелая.

Адгарэлі расінкі на верасе
І упала лістота з галін,
Мы ніколі, нажаль, не сустрэліся,
Хоць павінны сустрэцца былі
Праз гады, праз вясну непагодную
Пра цябе не забудуся я,
Невядомая, мілая, родная,
Несустрэтая мара мая.

Прыпеў.

Любоў мая падманная,
Наіўная, нясмелая,
Мая недакаханая,
Мая незразумелая.

Прыпеў.