мин сөбүлүү көрбүт сирбэр
күөҕүнэн бүрүнэн
эдэркээн хатыҥчаан хаһыс да кэмин турар
баҕар кини хаһан эрэ
бу сиргэ олорон ааспыт
олоххо тапталы булбут
сахам кыыһа буолуо дуу

мин кэлбиппэр суугуннуур тыалга дугуҥнуур
тугу эрэ этиэх курдук
холкутук корон туруо

мин эмиэ бэлиэ хаалларан
кэрэ сиргэ кэлбиппин диэн
кинилэргэ ханыылыы үүннэрэн хаалларыам

айылҕа оҕото

баҕар ким эрэ кэлин
сынньана тохтоон олорон
бэйэтин сырдык олоҕун
саҥатын арыйа кэпсиэ

эн кэлэргэр суугуннуо тыалга дугуҥнуо
тугу эрэ этиэх курдук
холкутук корон туруо