Жайлауымда жүрген жігіт бақыт қой.
20 жылдық жасап жатыр анық той.
Тұңғыш рет көріп тұрсын сен мұны
Нағыз қазақ, осы міне, танып қой!

Қазақ осы алтын, мұнай қазатын,
Қазақ осы биікке қол созатын.
Қазақ осы қай бәйгеге салсаңда
Оқ бойымен дара келіп озатын.

Қазақ осы оқ бойымен дара келіп озатын
Қазақ осы өзі батыр, өзі ақын.
Қазақ осы қатпар-қатпар тарихын
Қағаз емес, тасқа батып жазатын.

Қазақ осы бір Аллаға сенетін,
Қонағыңа қолда барын төгетін.
Қырғыз-қазақ қазақ жоқ деп сөйлеген,
Астанада төрден орын беретін!

Қазақ осы Абай, Мұхтар, Шәкәрім.
Еш бұзбаған ұлылықтың қатарын.
Бар әлемге мәшһүр болып аталып,
Болашаққа жасап жатыр сапарын.

Қазақ осы Кенесары, Абылай
Ер Қабанбай, Бөгенбай мен Ағыбай
Қазақ осы таудай болып ағатын
Қанша шашып тастасан да тарыдай.

Қазақ осы Дінмұхаммед Қонаев.
Бір-ақ істің арнасында болайық.
Қырағы үсті көк аспан тұр астында
Қуаныштың коңырауын соғайық!

Қазақ осы 86 желтоқсан
Бостандықтың темір торын серп ашқан
Құлағымды саған кесіп берейін
Бұл қазақтан артық туған ел тапсаң!