Зальврлһн
Үгнь Бадмин С.
Айснь Санҗин Т.

Җил-җилән дахлдна,
Җирһлин болзг ахрдна.
Буурсн седкл әәнә
Бурхнд зальврхан хәәнә.
Давтр: 2д.
Деегшән теңгр ширтнәв,
Долан Бурхндан шүтнәв.
Зальврхла седклм амрна,
Зовҗасн чееҗм таалрна.
Зулдан герл орулнав,
Зурхачар дәрк давтулнав,
Хар кел утлулнав,
Харшта насан утдулнав.
Давтр: 2д.
Асхар зулан өргнәв
Аав-ээҗдән мөргнәв.
Ардан бичә тачаг,
Ачнртан кишг заяг.
Давтр: 2д.