Нас да халеры

Голас народу яскравы і годны,
Памаранчовы ці васільковы.
З гэтай прычыны, з гэтай нагоды
Мы не баімся кратаў сталёвых.

Без кампрамісу, адразу і раптам
Мы ў чорным сьпісе, і мы ўжо даўно там.
Перапісаць нас ня хопіць паперы —
Нас мільёны, нас дахалеры!

Там-там усе мы!
Нас там дахалеры!
Там-там-там усе мы!
Нас там дахалеры!

Нас не разьвернеш з нашай дарогі,
Мы скажам „не” і дастаткова
Возьмем у рукі сьцяг перамогі,
Праўда за намі, з намі свабода.

Там-там усе мы!
Нас там дахалеры!
Там-там-там усе мы!
Нас там дахалеры!