Нам бы ў Беларусь,
Хоць бацька не даваў каманды.
Закінуць трэба кантрабандай
Гарачых слоў доўгачаканы груз.

Сто грамаў музыкі — на рэшту
Прыняць унутр — будзе нешта
Яскравых фарбаў распісаць
Такую шэрую і нудную зіму.

Прыпеў:
Уууху, уууху
Такую шэрую і нудную зіму,
Уууху, уууху
Такую…

 Ты вазьмі змяшай
Венеру з Марсам і Юпітэр,
Берлін, Варшава, Мінск і Піцер
Кактэйль касмічны п’юць няхай,
Давай.

 Ніхто з дарогі не саб’ецца,
І, можа, нават не сап’ецца,
І не забудзе вугалькамі закідаць
Такую шэрую і нудную зіму.

 Глыток — і мы перамаглі,
Не зразумеюць — ім жа горай,
Чакаем лета кожнай порай
І не пытай — калі.

У Ледавітым да Чукоткі
Матляе ветразь нашай лодкі.
Сем футаў радасці яму
І добрым словам прыхапіць такую шчодрую зіму.