Төрүттүнген хүннүң уткуй 
Төрелдериң бараалгап кээр. 
Өөрүшкүлүг белээн тудуп, 
Өңнүктериң сени йорээр. 

Чайлагларны эргип чорааш, 
Сеңээ сунар белээм кылдыр 
Чайның каазы - өнгүр чараш 
Чечектерни чулуп алдым. 

Шилип алган чараш белээм 
Күзелимни хандырбас-тыр: 
Чидиг оңнүг, уян чечээм 
Күстен эрттир чурттавас-тыр. 

Сенээ тудар белээм кылдыр 
Шевер дарган сиилбип куткаан 
Алмаз-биле карактап каан 
Алдын билзек шилип алдым 

Шилип алган ховар белээм 
Сагыжымны хандырбас-тыр. 
Читпес өңнүг алдын билзээм 
Чангыс-даа сөс соглевес-тир. 

Ырак-чооктан сурап тыппас 
Чуден артык белээм кылдыр 
"Ынак мен" - деп өлум чок сөс 
Чурээмден кээп, дилеп тыптым.