Үгнь : Н. Бадмаева
Айснь: С. Пюрбеев.

Барванцг нуурин көвәднь
Баһ - Дөрвд бүүрлнә.
Аль бис, Альбис улснь
Ах дүүнрәрнь җирһнә.

Тосхад бәрсн гермүднь
Теегин селәг кеерүлнә.
Урһсн көк моддуднь
Уульнц керүлҗ көкрнә.

Баатр үрдин нердинь
Бумбин эрст бичгднә.
Туурмҗ үзүлсн үүлдврнь
Тууҗд хадһлҗ келгднә.

Уняртснь хаврин асхнд
Үүрлҗ баһчуд җирһнә.
Җирһлин дууна айснь
Җиңнҗ холас соңсгдна.

Өндртән, өргндән, утдан
Өсҗ селән сәәхрич.
Үүмән уг төвшүнд
Үрдән өскҗ җирһич.

Билгтә улсин төрскн
Баһ-Дөрвд селән,
Насн зу давсн
Нанд тааста селән.