Әр жырыма сын айтпақсың садағыңа жебе салып,
Дейтұрғанмен түзу сөйле сау басыңнан кеңес алып.
Батыс дегенім менің бөлектенгенім емес, әрі
мен қадір тұтар тұлға үш жүздің ханы Кенесары.
Тұрса да біреу қайрап тісін,
Сабырға сал сен өйткені одан күшті, қайраттысың.
Бұл аймақтың сөйлегені естілгенмен сәл дөрекі,
Жергілікті жастар бұны біле білсең сән көретін.
Жоқ, бұл әр мекенге тән өзіндік диалекті,
Сән бөлек, бәз тек қара уылдырықты қиял еттік.
Ол аз десең тыңда әрі ақиқатты сөз қылайын,
Кәдесіне жаратпай жүргендер біздер өз мұнайын.
Бұл жерде төре күліп, жұрттың аштық көретіні,
Айтшы қайдан тудырмайды дөкір сөз бен дөрекіні.
Арада жегі толды, сен солардың жемі болдың,
Бұнда байыған әкімнің құт табатын жері Лондон.