Музыка Мустафира Жеттеева, стихи Зуфара Сарбашева.

Сабийликни, къууанчны да джырлары,
Дунияда бузулмазлыкъ къалала.
Джигитликни, мамырлыкъны джоллары,
Тангларыгъыз ахшы болсун, анала!

Гюл къысымча, джюрегими саугъагъа
Келтиргенме джырым бла, анала.
Махтау болсун бешик тутхан къоллагъа -
Ёмюрлени тутуругъу болгъанла!

Ёз къабынын къол аязда сакълагъан,
Сабийим деб кече - кюн да джокълагъан.
Къол джылыуу дарман болгъан джарагъа, -
Ёмюрюгюз узакъ болсун, анала!

Заман джетиб, акъыл-балыкъ болсакъ да,
Сабийнича  къубултасыз, анала.
Къатыгъызда биз олтуруб турсакъ да,
Джюрегигиз тынчаймагъан анала!