Атсыз бармагымда алтын балдак,
Никахлашуымның билгесе.
Тормышымның ишекләрен ачып
Нигә газап булып килдең син?

Кушымта:
Син минеке түгел үкенсәк тә,
Тыелудан шашкан мәхәббәт.
Сине назлап, сине сөюләрем
Никахыма бит ул хыянәт.

Таң атканда китеп югаласың,
Тик назларың кала иренемдә.
Өзгәләнеп йөрәк җавап көтә,
Килерсеңме икән бүген дә.

Кушымта:
Син минеке түгел үкенсәк тә,
Тыелудан шашкан мәхәббәт.
Мине назлап, мине сөюләрең
Никахыңа бит ул хыянәт.

Синең кебек сүнмәс мәхәббәтем
Нигә соңлап, соңлап килдең соң?
Син тыелган татлы җимешемнең
Гомерлеккә татыйм ачысын.