Куйларим етгаймикан сенга бориб,
Куйласа кетгаймукан тошлар эриб,
Суҳбатингда баҳра олсам ўлтириб,
На бўлар, на бўлар келсанг 
қучоғимга келиб, Гулбадан.

Ой тиниқ ойдинда ойдин оқ юзинг,
Шарқироқ сойдан-да шўхроқдир сўзинг,
Кўзларимга тўтиё босган изинг,
На бўлар, на бўлар келсанг 
қучоғимга ўзинг, Гулбадан.

Гулбадан, гул ҳам ўзинг ноз ҳам ўзинг,
Куй-қўшиқ, оҳанг ўзинг сўз ҳам ўзинг,
Танда дармоним санингсиз йўқдай
На бўлар, на бўлар жондек келиб 
кетсанг ўзинг, Гулбадан.