1.Чуклы тәлгәшләрдә яна өй янында үскән балан
Кайтыр көннәремне санап, бер ялгызы әнкәй кала.
Истә һаман озатканда сабыр күзләр көтеп калды
Авыз ит дип юксынганда балан кагы төреп салды.
Тик ул чаклар китте узып, ә йөрәгем көтә һаман
Әнкәемнең төсе булып бакчабызда үсә балан.
Кайтам әле үткәннәргә, күңелемнең моңсу чагы
Юк кына шул бер тәмләргә әнкәй койган балан кагы.
2.Рәсеменнән миңа бага уртаклаша хәлләремне
Кызыл алкаларын тагып кочкан балан әнкәемне.
Затлы татлы төрлеләрен тәмләдем мин ризыкларның
Тик йөрәгем өшегәнен эретер иде балан кагы.
Кайтам әле үткәннәргә күңелемнең моңсу чагы 
Юк кына шул бер тәмләргә әнкәй койган балан кагы.
Чуклы тәлгәшләрдә яна өй янында үскән балан
Кайтыр көннәремне санап көтә кебек әнкәй һаман.