Дус-ишләрем уйный-көлә,
Мин генә көлмим.
Уенның да ямен тапмыйм,
Ни булды, белмим.

Кушымта:

Эх, сез матур кызлар,

Ник шаяртасыз?
Йөрәгемнең януларын аңламыйсыз.

Мин эшемдә гел почетта
Һәрчак мактыйлар.
Кызлар гына урап уза,
Эх, яратмыйлар.

Кушымта.

Йөрәгемдә утлар яна,
Һич төшенмисез.
Арагыздан берегезне
Сөям өметсез.

Кушымта.

Нигә сезгә аңлашылмый
Минем хисләрем.
Шулай ук ялгыз утәрме
Минем кичләрем?