уи дунае напэ гущэ о къыпфытырах
уимыбзаджэш1агъэ гущэ ори къыптыралъхь
к1ыщым ук1агъахьэ гущэ зыфаер къэош1
пхъэш1эным уфежьэми гущэшъ ра псэ пыогъак1
хьак1э къыпфыдахьэрэми ш1эхэу упэгъок1
ш1у шъузэрэшъуш1энэ гущэ шъо ащ шъуфегъас
арэу къышъуфэхые гущэ шъо шъукъыфэус
ащ шъуфэусэнэ гущэ сыдыри къышъуфеш1

яунуэуи гъук1элы япхъу сыдыри илажь
зыдэмылэжьагъэ гущэ чылэми дэмыс
хьалыгъу шъуфигъажъэ гущэшъ ра 1уми етк1ухь
сымэджаплъэ къак1омэ чэтылыбжь и1ыгъ
и лыц1ык1у-лыбжьэхэри ра 1угъаушын
ащ и 1энэ лъакъохэмэ напэри къарэщ
ра ащ и щэуанэхэмэ укъамыуш1уэй
ра ащ и джэмыщхыхэри къызэпэлыдыжь

басмэ сай зырызы гущэ шъо шъурэк1ырак1
к1ымафэр къызысырыми шъори шъукъыщашъу
мэкъу 1ат игъагъомэ маш1ом шъупэмык1
хьак1эхэр къышъуфак1омэ щык1э пышъоупк1
тхьагъэпц1ы-хъук1ак1охэри шъо нахьэ шъомык1
мэмэт шъуфэмыдэ зэрэ шъо ащ шъуфэус
мэмэт нахьэ чыжьэ гущэ тэдэ шъо шъунэс
шъо ащ еш1ол1агъэхэри ра зэрэ пц1ызак1