1. Ағым ыңғайына түгел
    ҡаршыһына ла йөҙҙөм
    юлдар уҙҙым, илдәр гиҙҙем
    түҙәлмәҫтәйгә түҙҙем
      Ҡушымта:
Бирешмәнем был тормоштоң
әсеһе сөсөһөнә
бөгөлһәм дә һынманым мин
елдәрҙең көслөһөнә
алла ла айырмай беҙҙе 
олоһо кесеһенә
тик бирә ауыр һынауҙар 
бары тик көслөһөнә
  2. Һынауҙарҙан һынмаҫ өсөн
      доғаларға таяндым
      булғанына шөкөр итеп 
     бер аллама табындым

  3.Өмөт шәмем һүнмәҫ мәңге
     әсе елдәр иҫһә лә
     иҫем китмәй көнсөл заттар
     әллә нимә тиһә лә