Ч1ег1ардиг, ч1ег1ардиг,
 Хьо стенга доьдуш ду? 
 Бос хаза олхазар, 
 Хьо хьенан хьаша ду? 
 Собарде, сих ма ло, 
 Т1ам шера олхазар, 
 Сан дехар-кост д1ало, 
 Д1аала хьайна гар. 
 Д1ахьаьжча гуш болчу 
 Теболтан лома к1ел, 
 Къилбехьа лаьттачу 
 Бовхачу малха к1ел,
 Бехаш бу сан безам, 
 Со вицван дог долуш, 
 Ойланца хервина, 
 Со дийна вац, бохуш. 
 Ахь цуьнга алалахь, 
 Со дагахь латтаве, 
 Шен шира доттаг1а 
 Де доьхча ма вицве. 
 Ч1ег1ардиг, ч1ег1ардиг, 
 Дерриг а хаалахь, 
 Езачун дагахь дерг 
 Ма-дарра схьадалахь...