მიდი, მიდი მალე მიდი
სულერთია პანაშვიდი
არავის არ აგვცდება.
გაგვახარე შენი ძმები
მიდი, მიდი გეხვეწები
თორემ გული გასკდება.
ცოლები და მოგებები
ტიტულები, წოდებები
ეს ისეთი რამეა.
ელოდება ბერი, ერი
სოფლელი თუ ქალაქელი
დილაა თუ ღამეა.
ჩვენო სიხარულებო
ჩვენო სიყვარულებო,
საქართველოს სიამაყე
უშიშარო გულებო!
შეხედე რა კაცია
ნახე რა მამაცია,
ნეტავ ასე ვინ დალოცა
ეს პატარა ნაცია.
საქართველო!

.. მიდი, მიდი მოვდივარ
ცხოვრება თამაშია,
ჩამაწოდე გიბრუნებ
ძალა ერთობაშია.
მიდი, მიდი მოვდივარ
ბოლო ხმაზე ჩართული
გაიგონოს სუყველამ
მოწოდება ქართული.
საქართველო!

ქართლელებო, კახელებო
იმერლებო, რაჭველებო
გურულებო, სვანებო.
მეგრელებო, აფხაზებო
ოსებო და აჭარლებო
ხევსურებო, ფშავლებო.
ძმებო ჩვენი საქართველო
დროა უკვე ვასახელოთ
გავახაროთ სოფელი.
ჩქარა თორემ გაფრინდება
დაილევა, გათავდება
წამი-წუთი, სოფელი.
როცა ერთად ვიქნებით
ყველა კუთხის ქართველი
მხოლოდ მაშინ დაინთება
გამარჯვების სანთელი.
ჩვენო სიხარულებო
ჩვენო სიყვარულებო,
საქართველოს სიამაყე
უშიშარო გულებო!
საქართველო!

.. მიდი, მიდი მოვდივარ
ცხოვრება თამაშია,
ჩამაწოდე გიბრუნებ
ძალა ერთობაშია.
მიდი, მიდი მოვდივარ
ბოლო ხმაზე ჩართული
ჩავუტაროთ მეზობლებს
გაკვეთილი ქართული
საქართველო!

ნახე როგორ ერთდება
ნახე რა ლამაზია?!
ერთიან საქართველოში
ევროპა და აზია.
სინდისი და ნამუსი
სიყვარული უფალის
ესეთია კანონები
ერი თავისუფალი.
საქართველო!

.. მიდი, მიდი მოვდივარ
ცხოვრება თამაშია,
ჩამაწოდე გიბრუნებ
ძალა ერთობაშია.
მიდი, მიდი მოვდივარ
ბოლო ხმაზე ჩართული
ჩავუტაროთ მეზობლებს
გაკვეთილი ქართული...