Саҥа кэм саҥа үктэл саҥа олох саҥа сүктэл
сытар санаа сүтэр саҥа санаа саhан үтэр
саас кэлэр тыал үрэр сүрэх тэбиитэ күүhүрэр
тапталлаахтар сиэттиhэн хаамсаллар үтүктүhэн
күнтэн күн кыччаан иhэр аччаан иhэр олохпут чааhа
ону ол диэбэппит билбэппит даҕаны өй чычааhа
ким чычааҕар күн чычааҕа буолан баар буолар күн аайы
ким чычааҕар ый чычааҕа буолан баар буолар түүн аайы
кэллин аайы күндү баайын курдук көрсөрө бу баара
аара хаара уута тохтотуо да суоҕа туох да маара
ким да буоллун туох да буоллун көрбөккүн эн атын уолу
кини эрэ баар кини эрэ хаар үктээн булбут сүрэххэр суолу
туох да буоллун кэннигэр эн иннигэр онтун сотуута
дьылҕа суолун туора ойуута баар буолуута дьол туолуута
дьон куруутун туох баҕар тугу баҕар этиэхтэрэ
кэпсиэхтэрэ кэпсии сылдьыахтара кэпсээтиннэр ол туох да диэтиннэр

*******

Эн миигин ким диигин
сэрэнэн сиэттэрбин илиигин
билиниэн дуо билиниэн дуо
эн миэхэ сипсийэн этиэн дуо

*******

Төhө да сир көхсө киэҥ эн уонна мин эн биhи иккиэн
бииргэ буолуохпут иккиэн эн буолаҕын мин сибэкким
сырдыкка сирдиир соҕотох суолдьут доҕоруом эн эбиккин
мин сулуhум буол мин суругум тиий мин туспунан өссө тугу билбэккин
мин кистиэм суоҕа эйигиттэн тугу да тугу барытын кэпсиэм
мин эстиэм суоҕа биhигиттэн төhө да этистэрбит истиэм
эн санааҕын эн былааҥҥын эн толкуйгун эн халлааҥҥын
мин сылдьыам куруук ыраастыы эн былыттаргын ыhыам араастык
күн дьыл аастын эн сылааскын уларытыам суоҕа хайа да кырааскаҕа
хайа да кыыска хайа да сыыска эн сурэҕин баар мин ытыспар
оспот баас диэн суох ону билэбин
хоскор саспыт дууhам этэбин
итэ5эйэн эрэбин дьиҥ тапталга
биир тапталга дьылҕам махтал
итэҕэй миэхэ көрдөhөбун мин көрдөрөбун мин хайдахпын бэйэбин
эйигин таптыы сыллыы сылдьыам этэбин ол иhин кэлэбин
билэбин үөрэбин эйигин көрөммун бэйэбин булабын бэриниим эрэниим
сэгэриим сэрэнэн сэгэтэн сэрэтиим сэhэним симэтин ситэрэн ситэриим

******

Эн миигин ким диигин
сэрэнэн сиэттэрбин илиигин
билиниэн дуо билиниэн дуо
эн миэхэ сипсийэн этиэн дуо