Ши, ши, ши вара? Ши вара?
Ҫумӑр ҫӑвать-ши вара? Ши вара?
Эпир кунта ташланишӗн, ташланишӗн
Намӑс пулать-ши вара? Ши вара?

Сикӗр, сикӗр шывалла, шывалла! 
Шыв сирпӗнсе тӑмалла, тӑмалла!
Ташлӑр халӗ ташшине, ташшине
Ҫын тӗлӗнсе тӑмалла, тӑмалла!

Саккӑрӑн, саккӑрӑн, саккӑрӑн.
Саккӑрӗш те хамӑрӑн, хамӑрӑн.
Ери тавра пӑхрӑм та, пӑхрӑм та
Купӑсҫи те хамӑрӑн, хамӑрӑн.

Утӑ капан тӑррине, тӑррине
Ҫил вӗҫтере пуҫларӗ, пуҫларӗ
Шӑллӑм ташла пуҫларӗ те, пуҫларӗ те
Тӳнсе кайма пуҫларӗ, пуҫларӗ!

Йӑмра тымарӗ, тымарӗ
Хӑмла тымарӗ, тымарӗ.
Эпир хамӑр тымарӗ, тымарӗ
Чӑваш Енӗн тымарӗ, тымарӗ.

Тӑпӑртӑк, тӑпӑртӑк, тӑпӑртӑк
Тӑпӑртатма килтӗмӗр, килтӗмӗр
Ӗҫме-ҫиме килте те пур, килте те пур
Савӑнмашкӑн килтӗмӗр, килтӗмӗр.