Сокланмыйча мөмкин түгел
Мондый матур парларга.
Үзләренә кирәк кадәр
Бәхет телик аларга.

Кушымта:
Яшәгән саен татлырак
Булсын һәрбер көнегез
Ширбәт ае кебек булсын
Алдагы гомерегез.

 Хатын-кыз юл бирә белсен
Баш була белсен ир-ат
Бер-береңне кадерләсәң
Сөюгә җитә чират.

Кушымта

 Өметләрегез һәрвакыт
Аклана алсын иде
Бүгенге мәхәббәтегез
Гел балкып янсын иде.

Кушымта