Тотын калган төнге авыл,
Йоклый авыл, сүнгән уты
Кайттым сиңа еллар узгач,
Хәтер уйлый: берме йокы?

Су буенда учак яна,
Кем кабызган ул учакны?
Тешсәм әгәр су буена,
Табармын күп балачакны.

Тыныч сулап йоклый авыл,
Йорим төнге урамында.
Таныш сукмак, таныш кые -
Утсыз дә мин күрәм монда.

Су буенда учак яна,
Сүнмәс микән таңда чаклы?
Урамыңда туган авылым
Табармын күп балачакны.

Хәтерләсәм, онытмасам,
Мин башканы өмет итмим.
Ялан тәпи урамыңда
Уйнап үскән балам бит мин.

Су буенда учак яна
Хәтирәләр төсле якты.
Кайттым кебек яшлегемә,
Табармын күп балачакны.