Спадарожнік

Частка 1

Сяджу на даху, прымацоўваю балею да страхі.
Прыб'ю цвікамі вантуз - выгляд будзе неблагі.
І калі дроту наматаць,
То атрымаецца нядрэнная антэна.

Маю звычайную антэну сусед даўно прапіў,
Парабалічную талерку выканкам забараніў
З эстэтычных прычынаў, бо яна псуе вясковы краявід.

Праз самаробную антэну бачна розную заразу:
То СNN, то ВВС, а часам ўсё адразу.
Толькі шоў Пацы-Вацы бачна лепей за ўсіх,
Але ў мяне ўжо гэты шоў вось тут!

Прыпеў

Праз бясконцыя абшары спадарожнік мой ляціць,
Твой самотны голас над Зямлёй гучыць.

І калі раптам злы сусед маю балею не прап'е,
І калі дурань яго сын мяне лапатай не заб'е,
То буду я глядзець Плэйбой, а не зялёную пачвару Пацу-Вацу.

Частка 2

Усім вядома, што сусед мой глузды свае прапіў.
Яму заўсёды падаецца, што нас вораг ачапіў.
Але таксама ўсім вядома, што глядзіць ён рэгулярна Пацу-Вацу.

Глыбачэннаю траншэяй акапаў ён агарод,
На хлеў, лазьню і на пуню начапіў калючы дрот,
І кабы вораг не пралез, тры тыдні не карміў свайго сабаку.

Амапаўскія каскі па ўсіх дрэвах ён развесіў,
Каб апазіцыю пужаць, што бадзяецца па лесе,
І як Гандалф ён спіць не зачыняя вачэй.

Прыпеў

Праз бясконцыя абшары спадарожнік мой ляціць,
Твой самотны голас над Зямлёй гучыць.

І ніякія Пацы-Вацы яго ня здоляць прыглушыць,
Бо ён вольны голас, свабоды голас.

І калі ЖЭС не паспрабуе электрычнасць адключыць,
І калі хата не згарыць, і сэрцу не надакучыць біць,
То буду я глядзець Плэйбой, а не вясёлую праграму Пацы-Вацы. Yeah.

Сярэдзіна

Хор:
Паца-Ваца, Паца-Ваца, Плэйбой.
Паца-Ваца, Паца-Ваца, Плэйбой.

Маскальскі хор:
Мы весёлые медузы, мы похожи на арбузы.

Джазмэн:
М-па пэ ба, па бу да бу ды па ду да.

Вядучы:
Вітайце - сабачка Ібрагім!

Сабачка Ібрагім:
Гаў-гаў, гаў. Yeah. М-аh. W-ah.

Прыпеў

Праз бясконцыя абшары спадарожнік мой ляціць,
Твой самотны голас над Зямлёй гучыць.

І ніякія Пацы-Вацы яго ня здоляць прыглушыць,
Бо ён вольны голас, свабоды голас.

Праз бясконцыя абшары спадарожнік мой ляціць,
Твой самотны голас над Зямлёй гучыць.

І ніякія Пацы-Вацы яго ня здоляць прыглушыць,
Бо ён вольны голас, свабоды голас.

Яго ў печы не спаліць, яго лапатай не забіць,
Яго суседу не прапіць і ЖЭСу не забараніць,
І буду я глядзець Плэйбой, бо гэта не адстой,
Гэта зусім не Паца-Ваца, не, гэта вам не Паца-Ваца.