Музыка и стихи Махмуда Текеева (Казанчикова).

Тау къушну уясы - бизни ата джуртубуз,
Ой, оюлмазлыкъ къалабыз,
Сенде туугъанла, сенде ёсгенле
Бизни атабыз, анабыз.

Къарачай Къобан башланады мындан -
Юч ёзенден акъгъан юч суудан.
Къарачай халкъны керти ата джурту -
Къарт-Джурт а, Хурзук, Учкулан.

Къулакъ суучукъларынг, джаяу джолчукъларынг,
Къара, тийренге барады.
Атала ишлеген кёб затынг энтда
Кёзден кёрюрча турады...

Бу элледен а багъалы ким болур
Бу ёзенледе туугъаннга,
Къойнуна алыб, Къобан сууу бла
Анасы бетин джуугъаннга?

Ызындан джорта, къолундан тута,
Атанг бла джюрюучю джерлеринг.
Бир биринги сюре, чалдышлагъа мине,
Сабийликде ойнаучу тенглеринг.

Эски ата джуртубуз, багъалы элибиз,
Къарачай сенден чачылгъан.
Къарачай халкъны керти ата джурту -
Къарт-Джурт а, Хурзук, Учкулан.