Даьре* коч

Дуне долча го* т1а волаш,
Шу мел болча шу т1а волаш
Лееш* езар яр са яхаш
Со ма ювцал наьха нахага.
Лееш езар яр са яхаш
Со ма ювцал наьха нахага.

Лохе волаш лохе дувцаш,
Лакхе волаш лакхе дувцаш,
1айха лею хьона мотташ 
Со ма ювцал наьха нахага.
1айха лею хьона мотташ 
Со ма ювцал наьха нахага.

К1ай даьре коч ма ювхала,
Шера т1ехкар ма дехкала,
Со яхача хьа ма велахьа.
Даьра вара хьо аз левар.
К1ай даьре коч ма ювхала
Шера т1ехкар ма дехкала.

Аз дийцад хьона дош да мотташ,
Дош дийцад хьо саг ва мотташ.
Аз дийцадар хьоца къамаьл
Хьай деший да хьо ва мотташ.
Аз дийцадар хьоца къамаьл
Хьай деший да хьо ва мотташ.

Хье дошо да моттар хьона,
Хье дото да моттара хьона
Аз йоаг1аргья хьайга аьлча
Со я йоала моттара хьона.
Аз йоаг1аргья хьайга аьлча
Со я йоала моттара хьона

Аз дувцаргда мозал мерзаг1а,
Моттийтаргда тховсара йоаг1а.
Аз сай дегара дара д1а ца хойташ
Лелийта хьо дуне мел да.
Аз сай дегара дара д1а ца хойташ
Лелийта хьо дуне мел да.

К1ай даьре коч ма ювхала,
Шера т1ехкар ма дехкала,
Со яхача хьа ма велахьа.
Даьра вара хьо аз левар.

К1ай даьре коч ма ювхала,
Шера т1ехкар ма дехкала.