Кыр казлары китте тезелеп...
Өметләрем калды өзелеп.
Пар казлардай иде без элек, без элек.
Язмышыбыз ялгыш аерды,
Ул мәңгегә өзде араны.
Йөрәгебез һаман яралы, яралы.

Кыр казлары китте тезелеп...
Соңгы өметләрем өзелеп.
Йөрәгемдә моңсу көз инде, көз инде.
Сөю гөлем сулды көзләрдә
Сагыш тулы яшьле күзләрдә.
Синсез миңа ничек яшәргә, яшәргә?

Күңелемдә уйлар бураны.
Юлларыбыз хәзер ураулы.
Беръялгызың яшәп буламы, буламы?
Язмышыбыз ялгыш аерды,
Ул мәңгегә өзде араны.
Йөрәгебез һаман яралы, яралы.
Сөю гөлем сулды көзләрдә
Сагыш тулы яшьле күзләрдә.
Синсез миңа ничек яшәргә, яшәргә?