Vilja de høyra kvedet mitt
og vilja de ordi [bad word] 
om han Olav Tryggvason
skal songen her seg snu.
- Dansen glymer i halli 
så dansa me då i ring!  
Glade rida Noregs menn til hildarting. 

Skipet det bygdes i Noregs land,
ut av dei beste emnom:
sytti alner og fire til
var kjølen imellom stemnom.  

Kongen han ut i høgsetet sit
talar til sine drenger:
No skal me sigla den salte sjo,
det heve eg tenkt så lenge.  

Modige mælte dei sveinane då;
Herre, me skal deg fylgja,
anten du fer i strid eller fred,
me ottast ikkje svarte bylgja. 
 
Ganga dei så til strandi ned,
spræke karar og rauste.
Lunnane brosto og jarni skolv
då skipet dei drog or nauste.

Vundo dei opp sine silkesegel,
vinden å taka i fanget
så er det sagt at kongen sjølv
han styrde Ormen den lange.