Әнкәй, бәгърем, үпкәләмә безгә
Яннарыңа бик еш кайтмыйбыз.
Һәр туган көн саен бу тормышның
Ыгы-зыгысында кайныйбыз.

Кушымта:

Газиз әнкәй синең йөрәккәең
Күпме наз һәм җылы сыйдырган.
Араларда чакрымнар булса да
Күңел белән сиңа сыенам.

Кошлар кебек тормыш күкләренә
Әнкәй кошчыкларын очыра.
Балакаем нишләп йөри диеп
Безнең өчен һаман борчыла.

(Кушымта)

Безнең өчен күпме күрдең әнкәй
Авыр чаклар өчен рәнҗемә
Синнән газиз, синнән кадерлерәк
Беркем юк бит безгә бу җирдә.

(Кушымта)