Бул ғына

Салауат Низаметдинов көйө, 
Ләйлә Дәүләтова һүҙҙәре

Миңә һинән берни кәрәк түгел,
Яратмаһаң да ярай.
Бары һағышланған йөҙөң генә
Йөрәгемде яралай, яралай.

Миңә һинән берни кәрәк түгел,
Һин бәхетле, шат саҡта.
Ләкин күңелеңә ауыр булһа,
Онотма, онотма минең хаҡта.

Миңә һинән берни кәрәк түгел,
Йәшә, бары шул ғына.
Башҡаға булһаң булырһың инде,
Иң мөһиме – бул ғына, бул ғына.