Нарһатам
хүг. Лариса Санжиевагай
үг. Алексей Бадаевай

Сэлгеэхэн һэбшээгээр Нарһатам
Сэлмэгхэн үдэрөө угтанхай.
Сэбэрхэн хүүхэдээр, Буряадтаа,
Сэсэнхэн хүбүүдээр суурханхай.

Дабталга:
Хори зоной түлиһэн
Ходо дулаан гуламта - 
Хонгор зүрхыем эзэлһэн
Холбоо нууртай Нарһатам!

Санзайгаар арюудхаад Нарһатам,
Сагаанхан эдеэгээ дэлгэнхэй.
Борохон булжамуур шубуухай
Боорихон Дархитаар жэргэнхэй.

Дабталга

Хонгёохон хоолойтой Нарһатам
Хоймортоо айлшадаа уринхай.
Занданхан-Жуугайнгаа адиста
Заяанхан сэдьхэлээ заһанхайб!

Дабталга