Сӑвви Вӑрӑм Палюкӑн
Кӗвви Сергей Марковӑн
 
Тӑван ял
 

Кашни кунах аса илетӗп
Тӑван яла, ачалӑха.
Упратӑп савнӑ тӗп киле те
Хам чӗрере яланлӑха.
Кашни кунах аса илетӗп
Юратнă атте-аннене.
Тӑван яла кайса килетӗп
Пӑхма куҫран-куҫ вӗсене.

Хушса юрламалли:

Ҫуралнă ял – чунри хӗвелӗм –
Ялан кӳрет сӳнми вӑй-хал.
Юрлать чӗре, вӑл вут-хӗлхемлӗ,
Асрах йӑмраллӑ савнӑ ял!

Кашни кунах аса илетӗп
Тӑвансемпе юлташсене.
Ҫак юррӑма та парнелетӗп,
Чи ҫывăх, хаклӑ ҫынсене.

Хушса юрламалли:

Ҫуралнă ял – чунри хӗвелӗм –
Ялан кӳрет сӳнми вӑй-хал.
Юрлать чӗре, вӑл вут-хӗлхемлӗ,
Асрах йӑмраллӑ савнӑ ял!
Туятӑп эп хама телейлӗ,
Ялта эп тупнӑ ӑраскал.