Сары алма
Людмила Аланлы көе, Нәфисә Сабирҗанова сүзләре

1. Көзнең көләч бер көнендә
Пәрәвезгә уралып,
Җиләк-җимеш бакчабызда 
Йөрим уйлар уйланып.
Кушымта:  Минем көзге җимешем син,
                    Сары алмам, алтыным; 
                    Хәзинәмнең иң олысы,
                    Өмет итмим артыгын.

2. Исемеңне кушкан идем
Алмагачның берсенә –
Алмалары алтын-сары
Төскә кергән, күрсәнә! 
Кушымта: Бердәнберем, җимешем син,
                   Сары алмам, алтыным; 
                   Хәзинәмнең иң олысы,
                   Өмет итмим артыгын.

3. Кышлар җитеп, көмеш белән
Күмелсә дә җир өсте;
Өстәлемне һәрчак бизәр
Алманың алтын төсе.
Кушымта: Бердәнберем, җимешем син,
                   Сары алмам, алтыным; 
                   Хәзинәмнең иң олысы,
                   Өмет итмим артыгын.