Сәлих Сәйҙәшев музыкаһы
Хәбибулла Фәтхуллин һүҙҙәре

Тыуған ауылым, һөйгән ерем
Биғрәк яҡын күңелгә.
Ҡайҙарҙа ла йәшәһәм дә,
Онота алмам ғүмергә…

Хуш, ауылым, һау бул,
Сәләмдәр көт
Таң елдәре иҫкәндә;
Мин йырлармын һине һағынып,
Өҙөлөп иҫкә төшкәндә.

Матур була, күркәм була
Яҙ көндәрең, йәйҙәрең…
Иҫән булһам, бер ҡайтырмын
Яҙҙар кеүек әйләнеп.

Хуш, ауылым, һау бул,
Сәләмдәр көт
Таң елдәре иҫкәндә;
Мин йырлармын һине һағынып,
Өҙөлөп иҫкә төшкәндә