Мен сенден кенгде къалгъанма, анам, 
Алай болур эд джазыум.
Ахыр джазмама къалай сыйынсын -
Сангады джюрек джарсыуум.

Бетинге къараб, мен ант этгенем 
Душманнга къаджау тюберге, 
Сауутум къолдан тюшмейди джерге,
Барса да аджал биргеме. 

Юй мюйюшюнде джангыз олтуруб,
Джылама, мени эскере. 
Ата джурт ючюн кёбле ёлелле, 
Ана табылмайд аскерде. 

Суратымы алыб, эсге тюшюре,
«Намыслы ёлген джашым», - де.
Уллу хорламны байрагъын алыб,
Тенглерим келирле юйге.