Мен саған лайықты емеспін

Құбылмалы ауа райы бұзады көңіл-күйді,
Қолға қалам алсам көңілім жиі толқиды.
Қайдағы жоқ сәттер түсіп кетеді есіме,
Тыныштық бермей маған кіріп жүрсің түсіме...

Қайырмасы: (х2)
Мен саған лайықты емеспін,
Мен жоқпын енді, елеспін.
Ұмыт, қайта айналып келмеспін,
Жүрегімді саған бермеспін.

Менде жүрек жоқ, ол сенің қолыңда,
Құрбан еттім жүрегімді сезім жолында.
Сен мені не істедің, сен мені алдадың,
Менің сезімімді тармақтарға талдадың.
Қорытынды шешімім – біз бірге бола алмаймыз,
Біз бірге болмақ түгіл, дос болып қала алмаймыз.
Көре алмаймын сені дос ретінде,
Не деген қалың маска сенің бетіңде.
Жылама енді өтірік жас төгіп,
Өкініш өртеп барады ма сөгіп?
Қандай өкініш, сен өкінуді мүлдем білмейсің,
Менің жүрегім жаралы, сен оны түсінбейсің.
Түсінбейсің қандай қиын маған,
Жүрегіңе жеткізу үшін қандай сөз керек саған?
Айтшы маған, бұның бәрі кімге керек,
Әрине, үнсіздік, оны орны өте бөлек.

Қайырмасы: (х2)
Мен саған лайықты емеспін,
Мен жоқпын енді, елеспін.
Ұмыт, қайта айналып келмеспін,
Жүрегімді саған бермеспін.

Орны бөлек жан едің сен мен үшін,
Бұл жағдайдың бәрі кім үшін және не үшін?
Сен мені дұрыс түсін, мен ондайға шыдамаймын,
Сенің бұл қылықтарыңды дұрыс деп санамаймын.
Бара бер, бар, сен боссың енді,
Әлгі жігітің сені тоссын енді.
Бақытты бол, мені жылатқан ару,
Сұлулық – сенің ең бірінші қаруың.
Лирика және тек қана лирика,
Менің өмірім мәнсіз, тек қана мимика.
Ақ парақ, қалам – менің жақын сырласым,
Рэп, лирика – менің жақын жолдасым.
Махаббаттан басқа не бердім саған, құрдасым,
Шын сүйген жан сүйгеніне басқа не сыйласын?
Жаралы жүректің жаралы осы әні,
Сенің ақыл-есіңнен мүлдем щықпасын.

Қайырмасы: (х2)
Мен саған лайықты емеспін,
Мен жоқпын, енді елеспін.
Ұмыт, қайта айналып келмеспін,
Жүрегімді саған бермеспін.

Мен сені сүйемін, сүйгенім үшін күйемін,
Кей-кейде ауырады сені ойласам жүрегім.
Ешкіммен сырласпаймын, сырымды ішке үйемін,
Айналама білдірмей күлген жандарға күлемін.
Мазалайсың мені, мазалайсың күнде,
Жүресің жағаласып түнде менің түсімде.
Көбіне еске аламын өткенді күрсіне,
Бірақ өкінбеймін жасаған әрбір ісіме.
Жаңбыр жауады себелеп жуып жүрек жарасын,
Біршама уақыт болды бөлгелі жүрек арасын.
Сонда да мен үшін жалғыз, ерекше, дарасың,
Бізді сөз еткендер дұрыс жағынан қарасын.
Мен семен болғым келеді, бірақ бола алмаймын,
Сені ұмыту үшін өз-өзімді алдаймын.
Сағынғаным болмаса, жалпы жақсы жағдайым,
Мені ұмыт, сенің BaGi-ың әрдайым.

Қайырмасы: (х2)
Мен саған лайықты емеспін,
Мен жоқпын, енді елеспін.
Ұмыт, қайта айналып келмеспін,
Жүрегімді саған бермеспін.