Кече лектеш, ончалеш...
Мардеж лектеш, пуалеш.
Канде тӱран носовикем кошкалеш.
Эрта, эрта ӱмырем,
Кодеш, кодеш кумылем,
Уке мыйын йӧратыме йолташем.

Эх, йолташем, капка ончык лектын,
Канде тӱран носовикет рӱзен ит шого.
Тыйын весе уло гын,
Мыйынат вет лийын кертеш,
Тыйын верчын чонжо йӱла манын ит шоно.

Тый олмапум шындышыч -
Мые вӱдым оптышым,
Ик олмажым налам гынат, тый сырен от керт.
Мый тый денет келшышым,
Тый весе ден кайышыч,
Мый весе ден каем гынат, тый сырен от керт.

Кече лектеш, ончалеш...
Мардеж лектеш, пуалеш.
Канде тӱран носовикем кошкалеш.
Эрта, эрта ӱмырем,
Кодеш, кодеш кумылем,
Уке мыйын йӧратыме йолташем.