Іңкәр сезім.
Есіңде ме әсем гүлі көктемнің
Сыңғыр қаққан таудың ерке бұлағы
Қызықты еді өзіңменен өткен күн
Көз алдымда сол қалпында тұрәлі
Қайырмасы:
Жалын кешкен, жанымды ескен
Күндер қайда қарағым
Дір еткізген, шықпас естен
Мөлдіреген жанарың
Ән-жыр айтып, бал-бұл жайнап қырды асып
Жүрдік талай таңды атырып сырласып
Қызғалдақтай жайнаған сол далада
Тұратынсың жанарыңнан нұр шашып
Қайырмасы.
Бойымдағы ерікті де алдырдың
Махаббаттың жүректе отын жандырдың
Өзің еркем ойымдасың әрқашан
Сеземісің бұл күйімді жан құрбым?
Қайырмасы -Кім кінәлі?
Біз екеуміз кездескенде
Бақытыңа баладың ба
Менен ұзап сен кеткенде
Жасым қалды жанарымда
Қайырмасы:
Арман алдан шақырады
Кездесерміз мүмкін әлі
Сенсіз өмір өтіп жатыр
Айтшы жаным кім кінәлі?
Жұлдыз көктем құбылатын
Өтті түндер үнсіз жанып
Қол ұстасып қыдыратын
Сол бір күндер қайда жаным
Қайырмасы:
Арман алдан шақырады
Кездесерміз мүмкін әлі
Сенсіз өмір өтіп жатыр
Айтшы жаным кім кінәлі?