Кода кармась монь авам

Кода кармась монь авам
Нузякс церас максомон.
Ох, авакай, а молян,
Ох, корьмакай, а молян.
Сонзэ марто а эрян, 
Сонзэ марто мон еман.

Кода кармась монь авам
Пияницяс максомон.
Ох, авакай, а молян,
Ох, корьмакай, а молян.
Сон а соды вечкема,
Ансяк соды симнема. 

Кода кармась монь авам
Мазый цёрас максомон.
Ох, авакай, а молян,
Ох, корьмакай, а молян.
Монь марто сон а эри, 
Ламо тейтерть сон вечки.

Кода кармась монь авам 
Бригадирнэнь максомон.
Ох, авакай, а молян,
Ох, корьмакай, а молян.
Сон монь эйсэ пек вечки,
Эрьва тевсэ икеле.

Морось сермадозь 1958 иестэ Отяжбуень Ало велесэ