“Хүлээлт”
Ая Д.Жаргалсайхан  Уг.Ш.Дулмаг

Үдшийн тэнгэрт одод түгээд
Үзэсгэлэн гоо чи минь ирээч
Намуухан байгалийн  цэцэгсийн дунд
Чамайгаа үгүйлэн харуулдан сууна
Чи минь наддаа ирээч

 
Тэнгэрийн мандалд саран ургаад
Орчлонг гэрлээр түгээхэд
Тэртээд анивчах оддын туяанд
Танхилхан чамайг минь санагдуулна
Чи минь наддаа ирээч

Үүрийн гэгээ туяараад байна
Үзэсгэлэн гоо чи минь ирээч
Үзэмжит байгалийг сэрэхийг үзээд
Үнэхээр чамтайгаа уулзах шиг болно
Үүр цайтал би хүлээнэ