Музыка и стихи Альберта Узденова.

Хей, Тюрк уя, ёхтемликни баласы,
Кишиликни оюлмазлыкъ къаласы,
Тюрк дуниягъа уллу къарнаш болдунг сен,
Джаша, джашна ёмюрлюкге сау-эсен!

Ойрасы:
Хей, Тюрк уя, хей, Тюрк уя, Тюрк уя,
Баш бурсунла сени таба Тюрк дуния, 
Чёплеу башла баш бургъанча нюр кюннге,
Барыбыз да сау джетейик ол кюннге!

Бёрю къанды бизни ана къаныбыз,
Тилибиз да бирди, бирди джаныбыз,
Бир атады бизни уллу атабыз,
Бирлик болса, болмаз бизни хатабыз!

Ойрасы.

Эски кючюнг къайтыб келсин санынга!
Къарнашларынг джыйылсынла джанынга!
Рахатлыкъгъа юлгю болуб, Тюрк уя,
Санга сыпас этсин саулай дуния!

Ойрасы.