[bad word] ctmusic

Men senden qorqmayım yılan, seniñ maiyetiñ yalan,
Nerde olsañ, etseñ zan, ayamazsıñ can, tökesiñ qan.
Şu biçare insan saña ne yapqan? Özüñden utan, zulmetnen kelmez nam.
Ey duşman, qoptırasıñ isyan, men qorqmam, Qırımım - Vatan!

Mında ecdadımnıñ doğğan yeri.
Men mında yaşayım dünyağa kelgenimden berli.
Musafir evime kelir, "hoş keldiñ" diye söylerim yır.
Amma kirli sır olsa, ketsin, pancam daim azır.

Meni yoq etmek - bu yılannıñ işi, amma yazam sanki İbraim Paşi.
Belâlardan ayınmay başım, amma yer şey yahşı, eminim qardaşım.
Menim evim yeşil. Eşit, saña qarşı degil bu lisan.
Közyaşıñnı silerim, buvsanmasam, yanmasam.

Ey, yılan, şu biçare insan saña ne yapqan? Zulmetnen kelmez nam.
Vatanımdan yelçik esti, seni ise yoq eter boran.
Qaytmam keri, tek ileri, sözlerim inelerim.
Qattı fikir, Hip-Hap Qırım, kirpilerniñ yırı.

Bilmeyip, sen kelmeseñ de eviñe,
Seniñ elinde onıñ felegi.
Ve kisseñnen sen ketseñ de çet ilge
Onı körmege, oña dönmege kerektir bilgen.

Saña aytam hitap etip: qırımtatar halqı mında erbap, saip.
Er kesni bekley esap, añlamasañ, ayıp. Endi ciddiy sözler seni eter taqıp.
Qırım topraqları zapt etildi, budır aq.
Onıñ içün nice ecdatlarımız oldı elâk.

Sen yeñilme, baq. Bu yañı tuzaq. Bizimki topraq, tek bizde bar aq,
Etmeseñ meraq, tabiatıñ yımşaq olur, bu sözler sıcaq.
Saña men bir sırımnı açam:
Yılandan qorqmaz kirpi, yılandan qorqar sıçan.

Sanki Geraylardan er bir han,
İlân etem, eşitsin bütün cian!
Men ortağa çıqam, aytam açıqtan,
Sözlerim oşay çıqqa, eşitsin bala-çağa.

Ey, yılan, şu biçare insan saña ne yapqan, zulmetnen kelmez nam,
Kelse maña ilham, saña kelir silâm, ket eviñe, böyle beyan.
Qaytmam keri, tek ileri, sözlerim inelerim.
Qattı fikir, Hip-Hap Qırım, kirpilerniñ yırı.

Bilmeyip, sen kelmeseñ de eviñe,
Seniñ elinde onıñ felegi.
Ve kisseñnen sen ketseñ de çet ilge
Onı körmege, oña dönmege kerektir bilgen.

Mania maña rastkelse, sabır etmesem,
Yeñilirim men.
Fayda ketirmez kissem, bir şey bilmesem.
Cailliknen cenk.

Yırımızdan er satır
Seni uyatır, ayındırır.
Bu stazis taqımı, hip-hap Qırım,
Bu menim Ana-Vatanım, bu menim yerim.

Bir mesele tırnasa, ep bir
Dayanırım men, maña ayt kirpi.
Köz yaşlarım derya-deñiz kibi
Olsa da, ümütnen nurlana qalbim [bad word] ctmusic