Муушан Мууклан Һәрә 
"Сөөнь өрәлин салькн"

Сөөнь ѳрәлин салькн
Седклим мини салвлна!
Сәәхн таңһчасн салхларн
Санандан гемтә болув

Ээл уга Кубанднь (Ховңднь)
Ээҗ - аавнрасн хаһцлав!
Элкм мини урсад
Ууляд - унҗад саллав...

Ууляд - унҗад салв чигн
Ут хаалһдан орлав!
Ут хаалһдан орв чигн
Уулс заагар йовлав...

Уул заагар йовад йовхнь
Өмнәс хаһад генүлнә!
Өмнәс хаһад генүлв чигн
Усна көвәднь ирләв...

Усна көвәднь ирв чигн
Орс хамгнь йилһрнә!
Орс хамгнь йилһрв чигн
Ухань минь дүңһцнә...

Маңһдин һазртнь йовхнь
Мандлсн нарн һарна!
Мандлад нарн һарв чигн
Манцин һолнь сангдна...

Сөөнь өрәлин салькн
Седклим мини салвлна!
Седклим мини салвлв чигн
Сәәхн таңһчм сангдна...