Эйиэхэ сибэкки бэлэхтиэм,
Эрэлим бүтэһик бэлиэтин,
Уоскуттан аргыыйдык ууруоҕум.
Уостубат ыра буолаҥҥын.

Олох чаҕылхай сырдыгын ордорор
Эн чараас дууһаҕар
Тоҥуй сүрэҕим сылааһын
Биллибэт утахтар тардаллар.

Хомолто курус амтанын
Дууһабар аймана аһарыам.
Онтон эн ууламмыт хараххын
Ханнык күүс көмүскүөй?

Эрэйдээх биир сүрэх ыарыытын
Эн курус күннэргэр өйдүөҥ.
Нуһаран түүннэргэр
Мин ааппын оргууйдук ыҥырыаҥ.

Эйиэхэ мин ырыа бэлэхтиэм,
Эрэлим бүтэһик бэлиэтин.
Уоскуттан аргыыйдык ууруоҕум.
Уостубат ыра буоланнын.